1
AUR BHI DUKH HAIN ZAMANE MEI MOHABBAT KE SIVAA
RAHATEN AUR BHI HAIN VASL KI RAAHAT KE SIVAA
2
DIL NA-UMEED TO NAHI NAKAAM HI TO HAI
LAMBI HAI GHAM KI SHAAM MAGAR SHAAM HI TO HAI
3
KAR RAHA THA GHAM-E-JAHAN KA HISAAB
AAJ TUM YAAD BE-HISAAB AAE
4
AUR KYA DEKHNE KO BAAQI HAI
AAP SE DIL LAGA KE DEKH LIYA
5
DONO JAHAN TERI MOHABBAT MEI HAAR KE
VO JAA RHA AHI KOI SHAB-E-GHAM GUZAAR KE
6
TUMHARI YAAD KE JAB ZAKHM BHARNE LAGTE HAIN
KISI BAHANE TUMHE YAAD KARNE LAGTE HAIN
7
VO BAAT SAARE FASANE MEI JIS KA ZIKR NA THA
VO BAAT UN KO BAHUT NA-GAVAAR GUZRI HAI
8
GULON MEI RANG BHARE BAAD-E-NAU-BAHAAR CHALE
CHALE BHI AAO KI GULSHAN KA KAROBAAR CHALE
9
AAE TO YUN KI JAISE HAMESHA THE MEHRBAAN
BHULE TO YUN KI GOYA KABHI ASHNA NA THE
10
VO AA RHE HAIN VO AATE HAIN AA RAHE HONGE
SHAB-E-FIRAAQ YE KAH KAR GUZAAR DI HAM NE
11
AAP KI YAAD AATI RAHI RAAT BHAR
CHANDNI DIL DUKHATI RAHI RAAT BHAR
12
KAB THAHREGA DARD AYE DIL KAB RAAT BASAR HOGI
SUNTE THE VO AAENGE SUNTE THE SAHAR HOGI
13
JANTA HAI KI VO NA AAENGE
PHIR BHI MASRUF-E-INTIZAAR HAI DIL
14
DUNIYA NE TERI YAAD SE BEGANA KAR DIYA
TUJH SE BHI DIL-FAREB HAIN GHAM ROZGAAR KE
15
IK FURSAT-E-GUNAH MILI VO BHI CHAAR DIN
DEKHE HAIN HAM NE HAUSLE PARVADIGAAR KE
16
UTH KAR TO AA GAYE HAIN TERI BAZM MEI MAGAR
KUCHH DIL HI JANTA HAI KI KIS DIL SE AAE HAIN
17
NA GUL KHILE HAIN NA UN SE MILE NA MAI PI HAI
AJIB RANG MEI AB KE BAHAR GUZRI HAI
18
SAARI DINIYA SE DUR HO JAE
JO ZARA TERE PAAS HO BAITHE
19
RAAT YUN DIL MEI TERI KHOI HUI YAAD AAI
JAISE VIRANE MEI CHUPKE SE BAHAR AA JAE
20
HAR SADA PAR LAGE HAIN KAAN YAHAN
DIL SAMBHALE RAHO ZABAN KI TARAH
*******
Faiz Ahmad Faiz
#shyari4world #shayari #urdupoetry #urdu #shayri #rekhta #faiz_ahmad_faiz
No comments:
Post a Comment